كشف رئيس لجنة التخطيط السابق بالنادي الأهلي محسن صالح عن طريقة التعاقدات مع اللاعبين داخل صفوف القلعة الحمراء.
وقال محسن صالح في تصريحات عبر الراديو : لا يوجد قرار فردي في الاهلي القرار بالنقاش ولو هناك تدعيم لمركز بنرشح لاعب وبناخد أغلبية عليه ويتم الإتفاق عليه والخطيب بيستدعي المدرب ويعرض اللاعب عليه وبنفرجه على شرايط وبنعرض عليه السيرة الذاتية لو قال موافق الموضوع بيروح لشركة الكرة علشان يبدأو يشتغلو على اللاعب.
وتابع محسن صالح: بنعمل إجتماع تاني مع المدرب علشان يختار وبعد ميختار الموضوع يروح لجنة التعاقدات علشان تتم الصفقة واحيانًا رأي المدرب بيخالف اللجنة ولكن في الآخر كلام المدرب الي بيمشي.
وأضاف: انا مدرب ولما بتكلم بتكلم عن قناعة وخلفية فنية وببقى متحمس للرأي دة وحاسس ان دة في مصلحة الأهلي وبيبقى فيه حاجات موجودة في اللاعب دة مش موجودة في لاعب تاني تم الإتفاق عليه ببقى زعلان ولكن قرار الاغلبية بيمشي.
