هشام ماجد: شكرا للشركة المتحدة على إقامة مهرجان نبتة للطفل - فن
هشام ماجد: شكرا للشركة المتحدة على إقامة مهرجان نبتة للطفل - فن
شارك الفنان هشام ماجد في حفل افتتاح مهرجان نبتة، أول مهرجان للأطفال، الذي يُقام ضمن فعاليات مهرجان العلمين في دورته الثانية.
وحرص الفنان هشام ماجد على إلقاء كلمة خاصة فقال: «مساء الخير عليكم كل سنة وأنتم طيبين، أنا بحبكم، وأخيرا وبعد طول انتظار بقى عندنا مهرجان رسمي للأطفال في مصر طول الوقت بنسمع عن مهرجان سينما ودراما فأنا من هنا بشكر الشركة المتحدة، وإن شاء الله هيبقى معانا كل سنة في الصيف، وهيبقى في محافظات تانية وليا الشرف إن أبقى معاكم في المهرجان ده».
وأضاف: «خلوني أحكي لكم عن طفولتي لإني كنت طفل متعلق بأعمال الأطفال ومتعلق بالشخصيات، أنا من جيل كوكي كاك وزيكا، دي شخصيات ضحكتنا وعلمتنا قيم ومبادئ أثرت فينا لحد دلوقتي، وبضايق إن أطفالنا معندهمش شخصية مأثرة فيهم مصرية، فمهرجان نبتة يعلن عن شخصية كيكو شخصية مصرية وده طائر أبو قردان وهو صديق الفلاح وكيكو الصديق المقرب للفلاح وأنا بعمل إيه هنا، المسلسل اللي هيتعمل لكيكو هيبقى فيه ناس كتير هتمثل فيه وهنعملهم دلوقتي اختبارات».
