علق مارسيل كولر، المدير الفني للنادي الأهلي، على فوز فريقه بنتيجة 3-2 على حساب بيراميدز في المباراة التي جمعتهما على ملعب استاد القاهرة ضمن مؤجلات الجولة 14 من الدوري المصري.
وقال كولر في المؤتمر الصحفي بعد المباراة: "انتقدت ستاد القاهرة قبل كده، لكن النهاردة واضح إنهم اشتغلوا بشكل كويس، وأحب أشكر كل الناس اللي اشتغلوا على ده".
وزاد: "بقالنا شهرين بنلعب كل 3 أيام ماتش، وده أول مرة أشوفه في حياتي، لكن ده صعب جدًا، بعكس المنافس اللي مش بيعاني من المشكلة دي وعنده فرصة يرتاح".
وبسؤاله عن متى نشوف الأهلي بيلعب كورة إسبانية؟ علق ساخرا: "أولًا، إسبانيا لسه ما حصدتش لقب أوروبا حتى الآن".
واختتم: "أعتقد إن الأهلي أكتر فريق بيلعب كورة على الأرض في إفريقيا. لازم يكون عندك تنوع في اللعب حسب المنافس وطريقة لعبه. عندنا رغبة نلعب أكتر على الأرض، لكني بحاول أخلي الفريق يلعب بكل الأنماط علشان يجاري المنافس.
