تحدث مارسيل كولر المدير الفني للنادي الأهلي، على فوز فريقه بنتيجة 3-2 على بيراميدز في المباراة التي جمعتهما على ملعب استاد القاهرة ضمن مؤجلات الجولة 14 من الدوري المصري.
وقال كولر في المؤتمر الصحفي بعد المباراة: "تحدثت مع اللاعبين بين الشوطين لتحسين الأداء، واللاعبين أظهروا شخصية كبيرة. كل اللاعبين أدوا أقصى ما عندهم، حتى بعد الهدف الثاني اللي دخل فينا، نجحوا في الرجوع مرة تانية".
وأكمل: "ما كنتش متعصب خلال المباراة، دي كانت من أهدى اللقاءات اللي عدت عليا. ما اتعصبتش غير في كورة أو اتنين يمكن، لكن شايف إن التحكيم ما أثرش على نتيجة اللقاء".
وعن الإصابات وتلاحم المباريات؟ تابع: "ده جزء من قدرنا إننا نتعامل مع الإصابات والمباريات المتلاحمة، لكن عندنا قائمة كبيرة نقدر نعتمد عليها. بنحاول نجهز كل اللاعبين علشان نكمل الموسم".
واختتم: "أعتقد إن الأهلي أكتر فريق بيلعب كورة على الأرض في إفريقيا. لازم يكون عندك تنوع في اللعب حسب المنافس وطريقة لعبه،عندنا رغبة نلعب أكتر على الأرض، لكني بحاول أخلي الفريق يلعب بكل الأنماط علشان يجاري المنافس.
