نشرت صفحة جماعة تازة على فايسبوك عددا من الصور قالت أنها لعملية توزيع الأكباس البلاستيكية المخصصة لجمع مخلفات أضحية عيد الأضحى المبارك بمقر الملحقات الادارية يومه الجمعة 14 يونيو 2024 ، قبل القيام بتوزيعها على ساكنة الملحقات الست لمدينة تازة وذلك بتنسيق مع السلطة المحلية.
وتوالت التعليقات على منشور الجماعة، أغلبها تصب في منحى أن المواطن التازي محتاج للتنمية الحقيقية وليس للأكياس البلاستيكية، ومنها نستقي لكم:
Hamid Med
ديك الأكياس ما عندنا ما نديرو بها. لوكان غير درتو فيها أعضاء مجلس جماعة تازة لأنهم مانافعين فوالو. حالة المدينة توضح كل شيء
Ismail Dahine
لواليدة طلبات كيس اخر اضافي و جاوبها خونا بانه داكشي محسوب من الجهات المسؤولة و مكاينش التضياع و اللعب بمال الدولة، عرفتي واحد الفخر حسيت بيه مايمكنش 🥺 , عرفت بلي المدينة بين ايد امنة .
Issâm Hmamouch
البرلمانيين ولاخرين عطيوهم الحوالة فالسرر والشعب عطيوه ميكة بالفضيحة
Mohamed ML
ما وصلنا والو مثل السنة الماضية
المتنبي الفرزدق
النخب تتوصل بالوزيعة من الضيعات و الفيرمات. واحنا الميكات….. ناح النواح والنواحة والبقرة حبوب ياشيخ امام.
المتنبي الفرزدق
اش هاد المهزلة ، كيما كيقول المثل ” الجنازة كبيرة والميت فار ” ، المواطن ما محتاجش من الميكة، خاصو حوايج اهم. اما العدد ديال هاد الميكة فحدث ولا حرج.
في حين أن القلة القليلة ثمنت مجهود الجماعة وأكدت أنها بادرة طيبة:
Mohamed Boucherrour
لعقلية ديال المواطن التازي و الله و دير لي درتي و المجلس الجماعي لي يجي لا قال شي حاجة مزيانة و باغيين البلاد تبدل غير بين ليلا وًنهاار !!
Kousyla Takfarinasse
اقسم بالله كما دارو معاكم وحلو .. اللي مايقول كلمة طيبة غير يسكت … مافرقوش هاد الأكياس غادي تنوضو بالهضرة كل المدن وزعو الأكياس على المنازل ديالهم إلا تازة .. وزعو الأكياس ما عجبكمش الحال انا نهار يديرو حاجة زوينة نحييهم نهار يديرو حاجة ما شي هي هاديك غادي نعلق عليهم . طلعو النيفو ديالكم شوية يرحم باباكم .. شعب غبر قابل للتطور ..
عن موقع: فاس نيوز
