وجه أحمد شوبير الإعلامي بقنوات أون تايم سبورتس، رسالة بعد التصريحات التي أدلى بها أحمد سالم المتحدث الرسمي لنادي الزمالك تجاه محمود عبد المنعم كهربا لاعب النادي الأهلي.
وكان أحمد سالم قد صرح عبر قناة الشمس: "لا تأمن غدر جمهور الزمالك يا كهربا وعندنا في الجمهور جميع الشرايح الهادي والعصبي والمؤدب والي ممكن ياكلك في الشارع".
المتحدث الرسمي للزمالك يهدد كهربا على الهواء: جمهور الزمالك فيه اللي ممكن ياكلك
وقال شوبير خلال حديثه عبر إذاعة أون سبورت: "لما يبقى في حد له دور أو حد بيشتغل في مكان فياخد باله أوي من الكلمة مينفعش حد يهدد حضرتك مش طالع علشان تهدد أنت طالع علشان تتكلم على إنجازاتك وخططتك وفنياتك ده كله جميل وده اللي كنا دايما بنشوفوا لكن طالع علشان تهدد تقيلة شوية مشوفتهاش قبل كدة".
وأضاف: "فيطلع اللي أنت اتكلمت عليه يقولك أنا هرفع قضية ناخد بالنا بس لأن في ناس بتطلق لنفسها العنان تتكلم زي ما هي عايزة".
وأكمل: "يعني مثلا يطلع عضو مجلس إدارة يتكلم على لاعب عنده قضية قصة رمضان صبحي ان شاء الله تخلص على خير يقولك لو ده عندي في النادي هحميه تحميه من ايه؟ تعمله ايه؟ ده مش دورك أنت.. أنت تحميه لو في جمهور أو إعلام بيهاجموه لكن هنا احميه من ايه؟ ايه نوع الحماية؟ خلوا بالكم يا جماعة علشان الكلام يكون مظبوط".
