كشف السويسري مارسيل كولر المدير الفني للفريق الأول لكرة القدم بالنادي الأهلي، تفاصيل ما حدث مع أحمد عبد القادر لاعب الفريق بعد أحد المباريات.
وقال كولر خلال حديثه عبر قناة إم بي سي مصر: "الموقف اللي حصل أننا كسبنا ماتش وبحاول اسلم عليه بعد الماتش وهو مرضيش يسلم عليا ساعتها قولت ممكن يكون متضايق أو زعلان من حاجة وعديت الموقف لكن كان في كاميرات كتير موجودة وصوروا المشهد وده زود الموضوع اكتر".
وأضاف: "تاني يوم اتكلمت أنا وهو عن الموضوع واعتذرلي والموضوع انتهى بالنسبالي في الآخر نتكلم تاني عن الامكانيات والتدريبات هو اتمرن كويس بعدها وقعدنا وحاولنا نساعده في الآخر اللاعب لازم يرجع نفسه القرار بتاعه في الاخر".
وانتقل للحديث عن أكرم توفيق: "أنا كنت عارف أن أكرم بيلعب في نص الملعب قبل ما اجي بفترة كبيرة ولما جيت كان بيلعب ناحية اليمين وبعدين رجع بالعقلية بتاعته أنه بيلعب بقلب ورجولة وعاوز كل حاجة بالقوة وأنا كنت بقعد أقوله لازم تبقى أهدى من كدة ومحتاج وقت أكتر وده طبيعي لأن اللاعب بيبقى فاكر انه جاهز دلوقتي لكن أنت لما تقعد فترة طويلة مصاب محتاج وقت علشان ترجع للمستوى بتاعك".
واختتم كولر حديثه: "أكرم مكانش مبسوط بكدة بس مستسلمش للوضع واشتغل واجتهد وقاتل في نص الملعب وأدى أداء كويس جدا وفي الماتش التاني ضد الترجي كان أحسن بكتير من ماتش الذهاب أنا بحكم على لاعب بالأداء مش بالمواقف أو أنه زعلان ممكن يبقى اتعرض لأي موقف خلاه يتضايق، لكن في النهاية المشاركة من عدمها بترجع لاجتهاده وتركيزه في التمرين".
