قالت المنتجة مها سليم تعليقا علي لائحة الأجور المزعومة، والتي تداولها البعض وأثارت حفيظة العديد من الشعب سواء المصورين أو المونتيرين وغيرهم، لم يقل أحد أننا نريد تخفيض اجور أحد من العاملين في الصناعة ولن يقبل أحد بذلك، وأن كل ما في الأمر أن الصناعة في أزمة كبيرة تهددنا جميعا وأنه إما نلجأ لتقليل الإنتاج وهو يعتبر خراب بيوت أو أن ننتج أعمال بجودة ضعيف، ودون المستوى وهو أمر مرفوض لأن الإنتاج المصري له مكانته في الوطن العربي كله.
وأضافت، "كل اللي حصل أننا بنحاول تقنين الارتفاعات المبالغ فيها من قبل بعض العناصر وهو أمر حفاظا علي صناعة مهمة وبيوت ناس كتيرة مفتوحة منها، والسؤال هنا "مين اللي مصلحته أنه يخلق الخلاف الكبير اللي حاصل ده ومن لاشئ ؟!! ، وتابعت، "من اللي عمل لائحة غير مظبوطة إطلاقا ومش موجوده عند اي منتج أو لدى اتحاد المنتجين من الأساس ؟! مين قاصد اننا يبقي بينا كم المشاحنات والخلاف اللي موجود وكأننا طرفين وليس طرف واحد ؟! ".
واكملت ، " العلاقة بين القنوات والمنتج والقطاعات الإنتاجية كلها وحدة ومرتبطه ببعض ولازم كل الناس تفهم ان العالم كله عنده ازمة اقتصادية كبيره مش احنا بس وهنا واجب كل واحد فينا انه يحاول يساعد حفاظا منا علي بيوتنا وبيوت الناس المفتوحة" وارجوكم بلاش تقعوا في فخ التوقيع بينا احنا واحد في صناعة واحدة محدش بيشتغل فيها الا لو بيحبه".
