المخرج معتز حسام ناعيًا مصطفى درويش: "مالحقتش تحقق أحلامك"
المخرج معتز حسام ناعيًا مصطفى درويش: "مالحقتش تحقق أحلامك"
رحل عن عالمنا، اليوم، الفنان مصطفى درويش، عن عمر يناهز الـ43 عاما، بعد وفاته بسبب توقف عضلة القلب، إذ حرص الفنانون على نعي الفنان الراحل بمختلف الكلمات.
من جانبه، كتب المخرج معتز حسام منشورا له عبر موقع التواصل الاجتماعي "فيسبوك": "قاعد بسمع فويسات مصطفى وترتيبات وأحلام لحاجات كتير أوي كنا بنفكر فيها، ومش قادر أستوعب لدرجة إني مش عارف أزعل عليه، وعندي أمل إنه مماتش، عمرك قصير يا مصطفى بس عيشت فيه تفاصيل كتير ملحقتش تفرح تكمل نجاحك وأحلامك، يا تري يا مصطفى يا حبيبي حاسس بإيه دلوقتي وعايش في إيه ويا تري روحك في سلام ولا لأ".
وتابع: "أكيد روحك عايشه في سلام لأن كل الناس مجتمعين على حبك وجدعنتك وإنسانيتك.. مصطفى دلوقتي عايش الحقيقة الوحيدة اللي موجوده اللي كل الأديان مختلفه علي فكرة تعايشها...مصطفى دلوقتي عرف الحقيقة وعايشها.. الله يرحمك ويحسن إليك يا حبيب قلبي.. هيصعب علينا كلنا فراقك وموتك جرس إنذار لينا كلنا إن الدنيا مش مستاهلة الصراع والحرب اللي احنا عايشينها.. هتوحشني يا صاحبي".
الجدير بالذكر أن شقيق الفنان مصطفى درويش، هاني درويش، قد أعلن عن خبر وفاته عبر حساباته على مواقع التواصل الاجتماعي، وقال: "البقاء لله.. توفي إلى رحمة الله تعالى شقيقي مصطفى درويش.. تشييع الجنازة عقب صلاة العصر من مسجد الحصري بأكتوبر، والعزاء بإذن الله تعالى باكر عقب صلاة المغرب بمسجد الشرطة بالخمائل بالشيخ زايد".
