تحدث خالد مرتجي أمين صندوق النادي الأهلي عن اللغط الذي حدث مؤخرا حول تصريحاته عن نادي الزمالك مشيرا أن حديثه تم تحريفه وأن أعز أصدقائه زملكاوية ولم يقصد أي تقليل من شأن الزمالك.
وأوضح مرتجي في تصريحات عبر إذاعة الشباب والرياضة: "يابخت من بات مظلوم ولا بات ظالم، الحقيقة فيه ناس كتيرة حرفت كلام أنا قلتله، ربنا يهديها، معروف مين اللي ورا الناس دي ومعروف ايه الاسباب كلها حاجات شخصية للأسف وبتحاول تشوه خالد مرتجي كل اللي أنا بقوله حسبي الله ونعم الوكيل".
وأضاف أمين صندوق النادي الأهلي: "خالد مرتجي معندوش حسابات خالد مرتجي معنددش أجندة خالد مرتجي معندوش في الدنيا بعد ربنا غير حب النادي الأهلي كل اللي باعمله بعفوية واتعلمت من رموز النادي الأهلي والحمد لله على نعمة الأهلي".
واختتم مرتجي حديثه: طالناس حورت كلام مش مظبوط لكن في الآخر، نادي الزمالك نادي كبير ونادي محترم وعمر محدش يقدر يقلل منه قيمة نادي الزمالك لكن في الأول والآخر الأهلي هو أعظم نادي في الكون هو نادي القرن عن أفريقيا ومش عيب أني افخم في النادي الأهلي".
