قام مركز القديسة دميانة لذوى القدرات الخاصة وتنمية المهارات التابع لكنيسة القديسة دميانة (ارض العدوية) بولاق أبوالعلا بكتابة منشور عبر حسابه الخاص بموقع التواصل الاجتماعي فيسبوك يحكي فيه عن تجربته مع برنامجه التأهيلي الخاص بذوى القدرات الخاصة ، والذي يحكي فيه عن كيفية تعليم الأولاد قيمة العمل وأهميته ،وكيفية شغل وقت الفراغ والإعتماد على النفس ، حيث نشروا يقولوا ..

ده جزء من برنامج التاهيل_المهني لأولاد المركز بنعمل #صابون_سائل ونبيعه والمفاجاة ممكن تاخدوا منتجات المركز من خلاله ومواعيده من ٨ الي ٢ ما عدا الجمعة والأحد…
🛑🛑والجمعة من ١٢ إلى ٢ من داخل نادي كنيسة القديسة دميانة بولاق
وعلشان نعرفكم اكثر ايه هو التأهيل المهنى؟
التأهيل المهني باختصار هو اننا بناهل أولاد وبنات المركز الكبار على الشغل والاشغال الى يقدروا يعملوها زي اننا عندي كانتين بنخليهم مسؤولين عنه وبيعوا فيه وينظموه أو عمل السندوتشات علشان نعلمهم مجال الفندقة والضيافة والنجارة والدهانات والتعبئة والتغليف وغيره علشان كل الكلام ده بيساعد الولاد والبنات انهم يلاقوا شغل بعد كده..
هام ..
الاحباء الكرام
ده بوست هحاول اجاوب فيه عن كل الاسئلة اللي بتجيلنا..
احنا مين ؟
احنا مركز القديسة دميانة لذوي القدرات الخاصة وتنمية المهارات.
مكانا فين؟
داخل كنيسة القديسة دميانة (ارض العدوية) بولاق أبو العلا ، بجوار مدرسة سان ارساني، الكنيسة متفرعة من شارع الصحافة وعند موقف الترجمان، اقرب محطة مترو محطة الإسعاف.
مواعيدنا ايه؟
متواجدين كل يوم ماعدا الجمعه والاحد اجازة من الساعة ٨ صباحا الي ١.٣٠ ظهراً.
بنعمل ايه؟
احنا ذي مدرسة للاولاد والبنات من ذوي القدرات الخاصة، وكمان فيه حضانة لكل الأطفال.
عندنا منتجات ايه؟
احنا عندنا منتجات كتير بيعملوها فصول التأهيل (الي هما الولاد والبنات الكبار).
البنات بتعمل مشغولات يدوية (فوط مطرزة + منتجات كريسماس) ، مربات، و خضار مجفف، وثوم، ومخلل، طعمية.
بنعمل كمان سندوتشات او وجبات للمناسبات وفيه كمان حلويات.
الولاد بيشتغلوا في ورشة النجارة الي بتعمل شغل نجارة بالطلب، وبنعمل شمع، وبنعمل صابون سائل وداوني.
كل منتجاتنا ليها صور في الصفحة.

بنعمل حاجة تاني؟
عندنا صيدلية متوفر فيها بعض الأدوية لكل الي محتاج دواء يشرفنا يوم الإثنين والأربعاء فقط والصرف مجانا بمعرفة ابونا مينا رمسيس الراعي الأمين لخدمة ذوي القدرات الخاصة في الكنيسة وفي المركز.
كمان ممكن لو اي صيدلية في كنيسة ناقصها انواع معينة ومتوفرة عندنا ممكن تاخدها.
طيب بنعمل معرض؟
ايوة، بنعمل معرض سنوي في عيد القديسة دميانة في شهر مايو من كل سنة بتكون مواعيدها مع مواعيد النهضة فى الكنيسة ، واحيانا بنعمل معرض نصف سنوي بتكون مواعيدها مع مواعيد المركز.
مين مسئول المركز؟
مس منال مديرة المركز وده رقم تليفونها 01224150409
ممكن نيجوا نزوركوا؟
مرحب بيكم في اي وقت وتشرفونا، واحنا بنرحب باي خدمة بتقدم فقرات ترفيهية للأولاد، ولكن لازم تنسقوا مع مس منال عن الزيارة علشان مواعيد دروس وشغل الاولاد.
نقدر نساعدكم اذاي؟
بصلواتكم اولا وأخيراً ثم ممكن تشتروا من منتجات الأولاد او التبرعات بالتنسيق مع مس منال.
وممكن كمان تشاركوا البوستات بتاعتنا للناس وتعرفوهم بينا بمنتجاتنا.
وهو ليه بنقول ننتظر دعمكم وتشجيعكم بشراء منتجات المركز مع إن الأسهل نطلب تبرعات او نعمل حملة لجمع التبرعات؟
السؤال ده مميز جدا والإجابة احنا بنختار الطريق الأصعب لعدة أسباب :
١ – علشان نعلم الأولاد قيمة العمل عموما وأهميته.
٢- العمل بيشغل وقت فراغهم ويعلمهم الإعتماد على النفس، والشغل بعد كده بينفع جدا الأولاد والبنات إلى ممكن يعيشوا لوحدهم ومبيخلهومش ينتظروا مساعدة من حد.