وجه اشرف صبحي وزير الشباب والرياضة رسالة للمسئولين عن الكرة المصرية بضرورة البحث عن التطوير ونسيان الماضي.
وقال أشرف صبحي في تصريحات تلفزيونية أمس " كل نادي بادارته شايل شيلته، مفيش حاجة اسمها اين الوزير والوزارة".
وتابع "احنا في احتراف وفي منظومة موجودة، في ادارة جيدة او ادارة سيئة مفيش حاجة في النص وفي جمعية عمومية لكل نادي".
وأضاف "الموسم خلص، وموسم جديد هيبدأ، كل واحد يعيد شكل ادارته، مفيش حاجة مستمرة على طول، ادارة الفرق الكبرى اوقات المستوى بينزل شوية ولازم اطلع تاني".
وواصل "الموسم خلص والرياضة بيحصل فيها كدة دايما ومحدش بيستمر على طول، كل سنة بيحصل تغيير في قوام الفريق وفقًا للدراسات، الي جاي بقى كل واحد يبص لقدام وخلاص الي فات خلص".
وأردف وزير الرياضة "احنا مع الجماهير المصرية بالكامل، شجع وحب وقول الي تحبه عن ناديك، الشباب الصغير بيتأثر مش عاوزين الناس الي عندها الخبرات والكبار يقولوا حاجات تثير الشباب لحاجات عكسية".
مختتمًا تصريحاته "وجه مشجع ناديك انه يحب بلده ويكون ولاءه وانتماءه لبلده بشكل مباشر، النادي جزء من الوطن، الولاء نسبي لحد الولاء المطلق للبلد والمنتخب".