عمرو أديب يعلق على فوز المنتخب في مواجهة السنغال: الدوحة على مرمى البصر
عمرو أديب يعلق على فوز المنتخب في مواجهة السنغال: الدوحة على مرمى البصر
علق الإعلامي عمرو أديب؛ على فوز المنتخب الوطني على نظيره السنغالي بهدف دون رد في المباراة التي أقيمت بينها في تصفيات كأس العالم.
وقال أديب خلال برنامج "الحكاية" المذاع على قناة "أم بي سي مصر": "أوعي تفكر أن صعب عليك تخلص الماتش اللي هناك لو رايح معزوم أنسوا أننا رايحين الدوحة وطريقة التفكير دي ممكن تخلينا نخسر أي حاجة ولسة الـ 90 دقيقة على أرضهم وتقدر تعمل الريمونتادا".
وأضاف: "أنا رأيي أن لولا الدفاع والشناوي طبعا؛ الشناوي قائد عظيم؛ الجول اللي واقف وعارف أنه بيتهاجم على طول مستني الجول في أي لحظة والمعلقين كانوا متوقعين الجول في أي لحظة".
وتابع: "المعلقين كانوا متوقعين الجول في أي لحظة وحتى الجنرال مدحت شلبي كان بيقول ياجماعة فرقة كبيرة وبيمهد؛ أنت عندك مشكلة أول ما بتاخد الكورة في قلة حيلة".
وأكمل: "لسة الأماني ممكنة والدوحة على مرمى البصر بالمنظار؛ أذا كنت فلت من دة هل انت هناك هتلعب أسوأ من كدة؟ أنت رايح تلعب كويس ورايح تعمل انجاز معنديش شك في وطنية اللاعيبة والمجهود في لاعيبة سفت النجيلة".
وواصل: "اللاعيبة كانت مموتة نفسها النهاردة ولكن دة مش كفاية لازم يكون في كلام من المدربين؛ ربك ستر النهاردة أن كل الكور الثابتة لعبوها النهاردة بخيابه ولكن في النهاية هذه الطريقة لن تصلح في دكار ولن توصلنا للدوحة".
واختتم: "النهاردة كان في ناس مصريين نفسهم مصر تتغلب؛ الجمهور اللي راح الاستاد دة بيعشق تراب مصر؛ تخيل لما تبقي مصري وقاعد تقولك لو اتغلبوا النهاردة دة وقتها انما ربك أبي الله ألا أن يتم نوره".
