أحمد حسن راؤول يكشف تفاصيل أحدث أغنيات رنا سماحة «أنا المستحيل»
أحمد حسن راؤول يكشف تفاصيل أحدث أغنيات رنا سماحة «أنا المستحيل»
تستعد الفنانة رنا سماحة، لطرح أغنية جديدة بعنوان “أنا المستحيل” التي انتهت من تصويرها بالكامل خلال الأيام الماضية.
وكشف الشاعر الغنائي أحمد حسن راؤول تفاصيل الاغنية قبل طرحها عبر صفحته الرسمية على فيس بوك وعلق قائلا: “انا المستحيل .. لا يمكن تطوله، أنا العالي وانت .. سلالم نزوله، قريبا كليب رنا سماحة - أنا المستحيل، كلماتي: #أحمد_حسن_راؤول، ألحان: سامر ابو طالب، توزيع: أسامة سامي، ميكس وماستر: ماهر صلاح”.
جدير بالذكر أن آخر أغنيات رنا سماحة كانت "شكرًا"، بالتعاون مع زوجها الملحن سامر أبو طالب، في أول تعاون بينهما بعد انتهاء خلافاتهما التى تصدرت الحديث على مواقع التواصل الاجتماعى خلال شهر سبتمبر الماضى.
يذكر أن سامر أبو طالب حرص على صلح زوجته رنا سماحة، ووجه لها رسالة بعد انتهاء الخلاف بينهما، قائلا: "أولا الحمد لله، ثانيا هقول الكلمتين الجايين دول لـ(أم مالك)، مراتى حبيبتى وأم ابنى اللى اكتشفت فى الفترة اللى فاتت دى أنى ماقدرش أعيش من غيرها ولا حتى بكون مبسوط فى أى حاجة حتى أبسط الأشياء هى لازم تكون فيها معايا بحبها أوى بجد يمكن كنت أوقات بعند بس اكتشفت أنى فعلا ما ينفعش أكون غير ليها وهى ماتنفعش تكون غير ليا.. آسف لو زعلتك فى أى حاجة وربنا يباركلى فيكى ويحفظنا من كل شر ويبعد عنا الحسد والحقد واللى كارهين يشوفونا مرتاحين وهاديين، والحمدلله دائما وأبدا.. نيجى بقى لـ(برنس قلبى) ابنى وقرة عينى حبيبى وصاحبى وأخويا اللى لسه ماشوفتوش (مالك) مش هقولك غير أنى بحبك ولما تيجى بالسلامة هقولك حاجات كتير أوى نفسى أقولهالك ومش هتفارق حضنى أبدا، بحبك يا رنا وبحبك يا مالك.. شكراً للناس اللى كانوا بيكتبولى كلمة حلوة عشان عاوزين يشوفونا تانى مع بعض".
وردت رنا: "الحمدلله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا أي حاجة وحشة.. عيشنا فترة صعبة والحمد لله أنها عدت، مفيش بنا أسف يا أبو مالك بس عارف لو عملت كده تاني.. ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب أمين.. بحبك يا جوزي".
